Rasoolullah ne Farmaya: Nikaah meri Sunnat aur Mera tareeqa hai, to jo Meri Sunnat pe Amal Naa kare Wo Mujh se Nahi hai, Tum Log Shaadi karo, isliye ke Main Tumhari kasrat (Ginti) ki Wajah se Dusri Ummaton par (Qayamat ke Din) Fakhr Karunga Aur jo Sahib e isteta'at ho Shaadi Kare, aur jis ko Shaadi ki isteta'at Naa ho wo Roza rakhe isliye ke roza uski shehwat (Nafsaani Khwahish) ko kuchalne ka Behtareen zariya hai.
Sunan ibne Majah: Jild 3, Kitaab Al-Nikaah, Hadees No. 1846
Shaadi Qudrat ki Taraf se ek Muqaddas Bandhan Hai, Shaadi se Din Ki Madad Hoti Hai. ALLAH Ke Dushmanon aur Galat Khwahishon ke Makar v Fareb se bachne ke liye Shaadi Ek Mazbut Hisar w kila Hai. Shaadi se Shaitan Jalil wa Ruswa hota hai.Nikaah ALLAH ka Hukm hai. Ambiya Alaihimus'salaam ki Sunnat hai. Nasl e insani ko Badhane ka Paakeeza Tarin Tarika Hai. Duniya ke Har Mazhab me aur Har Qaum me iska Riwaaj Hai. Islam Ne is Khubsurat Rishte ko Bandhne, isko Ek Baa'izzat Mukaam dene ke Liye Shara'i Nikaah ka intekhab Kiya Hai. Nikaah Ek Pakeeza Bandhan aur ek Mukaddas Rishte ka Naam hai. 2 insanon ka Khubsurat Milaap Hai Jiski Buniyaad ALLAH Ta'ala ki itaa'at aur Apni Asmat (izzat) Ki Hifazat Hai.
Nabi Kareem ne Farmaya: Nikaah Momin ka Aadha imaan Mukammal kar Deta hai, Baaki Aadhe Deen me ALLAH se Darta Rahe. (Saheeh al-Targheeb wa'l-Tarheeb 1916) Shaadi ki Kaamyabi aur Ghar me Khush'haali aur Aulaad ki Tarakki w Deendaari ke liye Miyaa Biwi Donon ka Achcha, Saccha, Imaan w Deendar aur Buland Qirdar Hona utna hi jaruri hai Jitna Machhali ki Zindagi ke liye Paani jaruri hai. Warna Aapas me Bandhan Judne aur Mazbut Hone ki bajaay Tutne ka Andesha hai. Aakhir me Shaadi Khana (Ghar) barbadi me Tabdil ho jayegi Aur ghar Jannat Nahin Jahannum Ban jayega, Jiska Musahida Aaj Ham Acchi tarah kar rahe hain aur Logon se Sun Rahe hain.